13 март, 2020 - 12:00
Хөрмәтле укытучылар!
Татарстан Республикасы Мәгарифне үстерү институты «Француз теле. Икенче чит тел» кабаттан һөнәри әзерлек өстәмә һөнәри программасы буенча тыңлаучылар җыю турында игълан итә. Укулар практик юнәлештәге характерда булачак. Тел йөртүчеләр белән вебинарлар, стажировкалар үткәрелү күздә тотыла. Курсларны уңышлы тәмамлаган тыңлаучылар кабаттан һөнәри әзерлек үтү турында дәүләт үрнәгендәге диплом алачаклар.
Укулар бюджеттан тыш (түләүле) нигездә узачак. Уку сроклары: 2020 елның апреленнән сентябренә кадәр. Уку формасы: читтән торып уку - эштән өлешчә аерылып. Гаризалар metodiro@mail.ru электрон адресы буенча 2020 елның 10 апреленә кадәр кабул ителә.