2020 елның 17-22 февралендә «Татарстан Республикасы Мәгарифне үстерү институты» өстәмә һөнәри белем бирү дәүләт мәгариф учреждениесенең мәктәпкәчә һәм башлангыч гомуми белем кафедрасы доценты З.И. Җамалетдинова «Чикләрсез белем: фән, тәҗрибә, перспективалар» II Россия-испан форумында (Марбелья ш., Испания) катнашты.
Пленар өлештә мәртәбәле кунаклар һәм халыкара партнерларның - Испаниядәге "Россотрудничество" вәкиллеге һәм Кадис шәһәре Университеты исеменнән сәламләүләр, чыгышлар яңгырады.
Форумда түбәндәге мәсьәләләр буенча фикер алыштылар:
- Төрле илләрдә мәгариф системасы;
- Россиядә региональ мәгарифнең заманча моделе;
- Үз-үзен һәм мәгарифне үзгәртә торган университет: миссия, казанышлар, өстенлекләр;
- Испания мәгарифе һәм Кадис шәһәре университеты системасы.
Пленар өлештән соң «Хәзерге заман мәгарифенең яңа стратегияләре», «Тел компетенциясен формалаштыруның дөньякүләм трендлары», «Чит тел буларак рус теленә өйрәтү» дискуссион мәйданчыклары эшләде.
З.И. Җамалетдинова «Яңа укыту-методик комплектлар ярдәмендә башлангыч мәктәптә туган телне укытуны оештыру» темасы буенча беренче мәйданчыкта чыгыш ясады.
Форум кысаларында укытучылар, мәгариф оешмалары җитәкчеләре, балалар, ата-аналар өчен мастер-класслар үткәрелде. Рус теле укытучыларының квалификациясен чит тел буларак күтәрү курслары, гомуми белем бирү оешмалары җитәкчеләре һәм укытучылары өчен автор семинарлары, фәнни-методик әдәбият, декоратив-гамәли сәнгать күргәзмәләре, нәшриятларның Россия әдәбияты экспозицияләре оештырылды:
- Бином: Лаборатория знаний;
- Русский язык. Курсы;
- ООО «Билингва»;
- Русское слово – учебник;
- «Наука» нәшрияты;
- Россия халыклар дуслыгы университеты нәшрияты һ.б.
Форум программасына төрле дәрәҗәдәге мәгариф учреждениеләрендә: мәктәпкәчә, гомуми белем бирү оешмаларында һәм югары белем бирү учреждениеләрендә булу кертелгән иде.
Барлык катнашучыларга 36 сәгать күләмендә «Хәзерге заман тотрыклы мәгарифенең дөньякүләм трендлары. Педагогларны әзерләүнең яңа стратегияләре” исемле халыкара стажировка узу турында сертификатлар тапшырылды.
«Чикләрсез белем: фән, тәҗрибә, перспективалар» II Россия-Испания форумы эшен бик югары бәяләделәр, чөнки ул Россия һәм чит ил мәгариф системасын тәкъдим итүче фикердәшләрнең продуктив дискуссиясе һәм аралашу мәйданчыгы булды.
