Итоги курсовых мероприятий

Башлангыч сыйныфларда белем бирүнең яңа стандартларга күчүен,аның искиткеч авырлыгын үзебезнең мәктәп укытучысының чыгышыннан белеп алдым. Ләкин аның ниндиерәк икәнлеген курсларга килеп, укый башлаганнан соң гына аңладым.

Мине башлангыч сыйныф укытучылары өчен оештырылган курсларга җибәрделәр. Моның кебек курсларга бару минем өчен беренче мәртәбә иде. Курсларга мин бер көнгә соң килдем. Аудиториягә килеп керү белән мине инде бер-берсе белән танышып өлгергән укытучылар-коллегалар каршы алды. Соңыннан кураторыбыз Илсөя Тәлгать кызы белән таныштым.

Ямьле яз аенда мин Казан урамы буйлап атлыйм. Үзем барам, үзем уйлыйм. Күңел яңалыкларга ашкына. Мин белемемне үстерү өчен, институтка юл тотам.

2011 нче елның сентябреннән мин яңа стандартлар белән 1 нче сыйныфларда эшли башладым. Шуның өчен Татарстан Республикасының Мәгарифне үстерү институтындагы курсларга И.Т.Сәгъдиева чакыруы буенча укырга килдем.

Укытучының бөтен гомере балалар күз алдында үтә. Алар хәтер көндәлекләренә үзләренең билгеләрен куеп утыралар. Монда инде синең дипломың да, белемең дә ярдәм итми. Педагогның эшен аның профессиональ осталыгы, берәүне дә аерып карамыйча яратуы, хөрмәте характерлый.